kise KHayal tha aisi bhi saaten hongi
ki mere nam se bhi tujh ko wahshaten hongi
saza-e-marg ki surat visal guzra tha
bichhaD gae hain to kya kya qayamaten hongi
judaiyon mein zamane ne kya suluk kiya
kabhi dobara mile to hikayaten hongi
KHusha ki apni wafa faslon ki nazr hui
hamare baad zamin par rifaqaten hongi
ujaD gaya hun magar hausle salamat hain
ki ek din tujhe shayad nadamaten hongi