kya KHabar tujh ko o daman ko chhuDane wale
aur bhi hain mujhe sine se lagane wale
napte kaise mere zarf ki gahrai ko
Dubkiyan KHitta-e-sahil mein lagane wale
ai hawao na kahin hath jala lo tum bhi
bujh gae mere charaghon ko bujhane wale
jism mar sakta hai aawaz nahin marti hai
yaad rakkhen meri aawaz dabane wale
KHud ko kaise kisi manzil ke hawale karta
muntazir the meri aamad ke zamane wale
bap ki qabr pe miTTi bhi nahin Dalte hain
phul netaon ki qabron pe chaDhane wale