jagna sae mein aur dhup mein sona us ka
us ke ehsas se sabit tha na hona us ka
dil-shikasta ho wo kyon sar-phiri baaton se meri
main ne bachpan mein bhi toDa tha khilauna us ka
ek sitam-pesha tabiat ka pata deta hai
kaghazi naw ko barish mein Dubona us ka
phir koi yaad chhuDa leti hai ungli mujh se
yaad aata hai kisi bhiD mein khona us ka
ek hi TuTe hue pul ke the rahi donon
maut se baDh ke tha wo dur se rona us ka
KHud-shanasi ka koi ilm na tha ‘ah’ use
log miTTi mein milate rahe sona us ka